我係無條件地支持勇武派
亦都會完全尊重前線決定
大家要記住
唔好問每次街頭抗爭行動有冇用
唔好問每次街頭抗爭有咩意思
係
講武裝 講武力 係永遠唔會夠班黑警嚟
但係
可以換嚟大家關注度
可以保持返大家心中團火
可以比到政府壓力
而以上換嚟嘅嘢
係前線冒住生命危險同前途換返嚟
所以所以
唔好再講難聽說話(咩前線送頭、弱智博拉、係鬼)
如果擔心前線
可以善意提醒，可以善意呼籲
前線自己決定
我地只能為前線加油打氣
再提多樣
我地睇直播就好似上帝視覺一樣咩都知
但有上過前線都知 係無時間上網 同Load得好慢
所以唔好再講前線有冇腦了
和理非準備為前線做好文宣
大家互補不足 一文一武先會發揮最大功能
同樣地
唔好再講捉唔捉鬼
花咁多時間去懷疑身邊嘅人
或質疑前線行動
相信未捉到鬼 就已經令到前線失去安全感同打擊
五年前就係捉鬼捉到成個運動散哂
所以專注返本身行動 小心就得
最後
我地每一位都要將抗爭嘅想法同堅持放喺我地生活之中
盡量唔好將件事膠化或取笑
我地時時刻刻都要記住
我地唔可以忘記被捕同失去性命嘅手足
過去幾日，大家可能都休息緊
但休息太耐，好多原本嘅工作都變得懶散起嚟
咩大波女警...等等
我地要重新上陣
文宣 社區播映 連儂牆 全部繼續
勇武唔係尋求攪事
敲擊聲 塞路 對峙嘅畫面
係提醒我地香港每一個人，包括政府
我地未完架
五大訴求 缺一不可
感謝元朗在場每位手足
加油
小心
Search